Kafea.eco-rekin batera birziklatuko dugu

Realak eta Kafea.eco-k aliantza bat sinatu dute talde txuri-urdina eta elkarte gipuzkoarra eskutik helduta joan daitezen planeta jasangarriago baten bila.
Realak Kafea.eco elkartearen ekimenekin bat egingo du eta bere birziklatze prozesu aktiboan parte hartuko du. Hasteko, Hospitality eremuan kontsumitzen diren kapsula eta kafe hondar guztiak birziklatu egingo dira.

Kafea proiektua

Kafea proiektua Ekograsen paraleloa da. Ekograsek 30 urte daramatza etxeetako eta ostalaritzako landare-olio erabilia birziklatzen. Bildu, garraiatu eta kudeatu egiten da, eta ingurumena errespetatzen duen erregai ekologiko bat sortzen.

“Eta kafe-hondakin guztiak birziklatzen saiatzen bagara?”, pentsatu zuten. Jabetzen ziren ostalaritzako hondarrak hondakindegira joaten zirela, kafe-kapsulak bezala, haiei ez baitagokie edukiontzi horia.

Hondarrak eta kapsulak bereizten dituzte, prozesatzen dituzte eta lortutako materialekin produktuak egiten dituzte.