Reale Arenan kirol erakunde eta klubetako ordezkariei emandako prestakuntza jardunaldia izan zen atzo. Saioa Kirol Kontseilu Gorenak antolatu zuen, Donostia Kirolarekin eta Realarekin lankidetzan, eta Kirolean Haurrak Babestearekin lotutako gaiak jorratu zituen.
Iñaki Alonso Romero laguntza humanitarioan nazioarteko aditua eta Europako Kontseiluko Pool of Experts-eko kidea izan zen hizlari. Ekimen honen helburua da espazio seguruak, babesleak eta edozein motatako indarkeriarik gabekoak sortzea haurren eta nerabeen kirol-jardueran.
